Wasaaradda Caafimaadka oo soo dhawaysay dhaqaatiir ka socotay dalka Itoobiya oo qayb ka ah daweynta dhaawacyada iyo gurmadka dadkii ku dhaawacmey Zoobe

Wasiirka Wasaaradda Caafimaadka iyo Daryeelka Bulshada Xukuumadda Federaalka Soomaaliya Dr Cali Xaaji Aadan Aadan, Wasiiro/Madaxa Katirsan Dowlada Federaalka Soomaamiya iyo Guddoomiyaha Guddiga Gurmad Caafimaad Dr. Gulled Abdijalil ee Wasaaradda ayaa garoonka diyaaradaha Muqdisho kusoo dhaweeyey Guddi hordhac uh dhaqaatiir u dhalatey Dalka Itoobiya oo ka qeyb qaadan doono daweynta dhaawacyada isagoona kala wareegey Dawo qeyb ka ah gurmadka dadkii ku dhaawacmey Qaraxyadii ee 29-kii October ka dhacay isgoyska Zoobe ee Muqdisho.
Dowladda Itoobiya ayaa sidoo kale laga filayaa dhaqaatiir kale iadoo maanta ay Soomaaliya soo gaareen Dawo iyo guddiga hordhac u ah khubarada ay soo diridoonaan dhanka qaliinada ah ee ay uga talagashey in ay kaga qeyb qaadato Gurmadka iyo Daweeynta Muwaadiniinta Soomaaliyeed ee ku dhaawacmey Qaraxyadii isxigxigey ee Argagixisada ka geysteen Isgoyska Zoobe 29-kii October.
Wasaaradda Caafimaadka Xukuumadda Federaalka Soomaaliya ayaa horey u codsatey dhaqaatiirta taqasus u leh Kiisaska halista ah in loosoo diro Soomaaliya si ay uga qeyb qaataan gurmadka Caafimaad ee dhaacyadii Zoobe taas oo fursad kale u ah in dhaqaatiirta Dalkeena ay hellaan qibrado ku filan oo bari looga maarmi karo kiis walba in dibadda loo qaado.
Wasiirka wasaaradda Caafimaadka iyo Daryeelka Bulshada Xukuumadda Federaalka Soomaaliya Dr Cali Xaaji Aadan ayaa u mahad celiyey Dowladda aan dariska nahay ee Itoobiya oo Dawo iyo dhaqaatiir qeyb ka ah gurmadka dhaawacyadii Zoobe usoo dirtey Soomaaliya kadib baaqii Wasaaradda Caafimaadka ee ku aadanaa in Soomaaliya loo soo diro khuburo Caafimaad oo taqasus u leh Qaliida Dadka gubtey iyo Kiisaska adag ee aan dalka waxba looga qaban karin iyo dhaawacyada u baahan qaliimada wajiga.
DHAMAAD
Previous Wasaaradda Caafimaadka oo soo dhawaysay dhaqaatiir u dhalatay Dalka Jabuuti kuwaas oo qayb ka noqnaayaan Gurmadka Dag-daga

WASAARDDA

©Copyright 2022. FEDERAL MINISTRY OF HEALTH AND HUMAN SERVICES